Me ardhjen e sezonit të ri, të gjithë këngëtarët po nxitojnë të sjellin këngë e klipe, në mënyrë që të jenë sa më pranë publikut.



Si këngëtarët e muzikës zbavitëse, edhe ata të asaj popullore tashmë kanë sjellur produktet e tyre. Remzie Osmani është kujdesur që për dëgjuesit e saj të prezantojë një këngë dhe klip të bukur, të titulluar "Edhe një natë pa ty".



Teksti dhe muzika janë punuar nga Arsim Bunjaku, orkestrimi nga Virusi, ndërsa video është realizuar nga Max Production.



“Kam realizuar një baladë dhe titulli i këngës është ‘Edhe një natë pa ty’. Kam bashkëpunuar me Arsim Bunjakun i cili e ka shkruar tekstin dhe ka bërë melodinë. Virusi e ka bërë arnazhmanin ndërsa videoklipin e ka punuar me Max Production.”, ka thënë këngëtarja, duke treguar që në planet e saj është edhe një bashkëpunim i cili pritet të realizohet gjatë verës.