Kam shetitur e s'kam lënë vend
Dhe pashë për së gjalli si u ndanë
Ah, sa fort që në shpirt më dhemb
Ndarje të tilla, gjithnjë më kanë vrarë.

Pashë shumë çifte që u hodhën në gropë
Dhe fëmijë që kishin mbetur jetimë
Ndarje të tilla e vrasin, sidoqoftë
E vrasin, e vrasin shpirtin tim.

Edhe ndarja, si vdekja, vërtetë të vret
Por një ndarje tjetër më vret më shumë
Kur harrohesh nga të gjallët, edhe pse je në jetë
Je si një pellg i fjetur dhe i vënë në gjumë.