Njëra ndër këngët më të klikuara shqip deri më sot në YouTube, ka “simotrën” e saj edhe në gjuhën serbe. Kënga “Samo namigni” (shqip: “Vetëm ma shkel syrin), e kënduar Viki (Violeta) Milkoviq & Dado (Damir) Polumenta, është hedhur në YouTube një muaj pas këngës origjinale “Të ka lali shpirt”.

Në diçiturat e tyre në YouTube kanë vetëm një zë të përbashkët, autorin e muzikës. Autor i muzikës është Alfred Sula. Të dhënat tjera janë të ndryshme.



Në versionin shqip të këngës Sula shfaqet edhe në rolin e orkestruesit, ndërsa orkestimin e versionit serb të këngës e ka bërë Dragan Tashkoviq –Tashke. Por, edhe pse bëhet fjalë për të njëjtën këngë, tekstet e tyre janë shumë të ndryshme. Në fund të fundit, dallim mes dy versioneve ka edhe tek numri i klikimeve. Versioni shqip “Të ka lali shpirt”, deri tani ka mbi 27 milionë klikime në YouTube, ndërsa versioni serb “Samo namigni” ka rreth 22 milionë klikime më pak.