A B C D E F G H I J K L M N O P Q R S T U V W X Y Z #

Tema: Poezi Për Shqipërinë

Shqipëria Ka Mall

Mallin e mblodha
pranë vatrës
së prushtë.
Ngjyrë gjaku digjte.
Xixëllonjat
të trembura,
humbën rrugën.
Truri lëvizi nga foleja.
M’u desh të vishja
petkun e arësyes.
Ajkës së popullit,
t’i thoja Ndal!
Por ditët përqafuan
shumë vite.
U larguan,
u shpërndanë shumë larg...
Stinët, zhveshën vendin tim,
kacavjerrur nëpër mure ambasadash,
fluturuan me krahë etjelirie.
Shqipëria shtroi qilimin e lotëve...
Qanë edhe gurët.
Portat e mallit shpërthyen,
loti bëhet litarë shpresash...

Vimë e ikim, ku tremben rrjedhat e kohës...!

- poezi nga Sofia Ziri


Nuk ka akoma asnjë votë






Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2019