Dhe Gomari Më S'duroi
Një natë te komshia
po qante fëmija,
kërkonte çorape,
çorape me vija...
Ia solli mamaja
çorapet e saja,
të gjitha të mira,
me lule, me ngjyra.
S'pushonte fëmija,
i donte me vija...
U ngrit edhe babi
me vrap nga krevati:
- Ç'të bëj moj amani,
është mbyllur dyqani.
S'i di tregëtia
kusuret e mia,
do natën fëmija
çorape me vija...
Dëgjohen në porta
trokitje të forta...
U zgjuan komshinjtë
dhe fërkojnë sytë,
pastaj nëpër rafte,
në komo, dollape
kërkojnë çorape,
çorape me vija,
se plasi fëmija!
Fëmijët e tjerë
po flenë si shqerrë,
veç "shpirti i babit"
qan majë krevatit
sa tundet shtëpia:
- Më blini çorape,
çorape me vija,
tani... në këtë çast,
o unë do pëlcas!
Një goxha gomar,
që flinte në stallë,
u zgjua nga gjumi,
durimin e humbi,
i tha qaramanit
i nxehur tej mase:
- Aman, se na plase!
1989
po qante fëmija,
kërkonte çorape,
çorape me vija...
Ia solli mamaja
çorapet e saja,
të gjitha të mira,
me lule, me ngjyra.
S'pushonte fëmija,
i donte me vija...
U ngrit edhe babi
me vrap nga krevati:
- Ç'të bëj moj amani,
është mbyllur dyqani.
S'i di tregëtia
kusuret e mia,
do natën fëmija
çorape me vija...
Dëgjohen në porta
trokitje të forta...
U zgjuan komshinjtë
dhe fërkojnë sytë,
pastaj nëpër rafte,
në komo, dollape
kërkojnë çorape,
çorape me vija,
se plasi fëmija!
Fëmijët e tjerë
po flenë si shqerrë,
veç "shpirti i babit"
qan majë krevatit
sa tundet shtëpia:
- Më blini çorape,
çorape me vija,
tani... në këtë çast,
o unë do pëlcas!
Një goxha gomar,
që flinte në stallë,
u zgjua nga gjumi,
durimin e humbi,
i tha qaramanit
i nxehur tej mase:
- Aman, se na plase!
1989
Më shumë nga Tasim Gjokutaj
- Keci Që S'bëri Detyrat
- Kush E Hëngri Akulloren?
- Ç’Ke Harruar Moj Valbonë?
- Pse Kërkon Të Bëhesh Bletë?
- Thuthuqi
- Keci Me Kater Këpucë
- Më Solli Mami Dy Bebe
- Dhelpra Dhe Baloshi
- Flutura Fjalëbukura
- Obobo I Ziu Ç'bëra!
- Çupa Që Hante Me Naze
- Bleta Lulet I Ka Xhan
- Derrkuci Që Bëri... Dush
- Macja Lahet
- Xhepat E Altinit
- Të Gjithë Në Punë
Komente 0