Më mbaj mend (për 1 muaj)


Tema: Poezi Dashurie

Përvjetori

(Kushtuar Elif-it dhe Shpëtim-it)

Dy yllëza u shkëputën nga rruga e qumshtit
Posi dy fjolla dëbore
Në qetësinë madhështore të natyrës
Zbritën në Marashin stok.

Pastër dëlirë çiltër
Si dy shpirtëra virgjër të pasuruar
Ndezën dritën e ardhmërisë
Në folen e tyre të vogël.

Shtegtojnë ditët dhe muajt
Dritëzat e dritës së syrit
Shëndrisin rrugën e tyre
Veshur me harmoni.

Nën ngjyrat e ylberit
Si në ishullin e vetmuar
Rrugëtojnë këto dy krijesa
Në botën e tyre të patrazuar.

Në bregun e majtë të kënaqësisë
Ku takohen Elifi dhe Shpëtimi
Kështjellën e ndërtuar me shije dhe dashuri
InshaAllah do gëzojnë të dashuritë mi.

- poezi nga Tyran Prizren Spahiu


Zgjidhni me sa yje do votoni

Mesatarja:  5 / Votuan:  2

Komente mbi këtë krijim


* Të regjistruarit mund të votojnë ose të sinjalizojnë komentet