>
LETERSISHQIP

Qëruara

Në vazhdimësi beteja për bukë
Pandërprerë më mundon
Kërkojnë robërit me zë të heshtur
Dhe shikim të urtë.

Bëra goxha rrugë
Udhë të përditshme
Të jem në shërbim
Të pasanikut me bollëk.

Ajo më ftoi
Me zë gojëndyrë
Parfumosur dhe e modeluar
Veshur shik si shabllon.

Më rezervoi si një shpallje
Biletë e lirë për garë
Kërkova avans me gjysmë zë
U frikësova nga reagimi i saj.

Hodhi dy monedha
Nuk arrita ti kapi
Ato rranë në pellg
Futa dorën thellë.

Kënaqësia ishte e pamatur
Ç ndodhi pastaj nuk di
Kur u këndella
E pashë veten në shtëpi.

tyran spahiu
vargje poetike II
jeta është dhunti