Tema: Poezi Për Natyrën

Natyrës

Zogjtë mbi pemë cicërijnë,
Hidhen,lozin nëpër degë,
Gjethet lehtë fëshfërijnë,
Dielli,porsi zjarr,djeg!

Tutje tej,nëpër fusha,
Bari i gjelbër,hijeshon
Në kaçuba e në gëmusha,
Zë bilbili dhe këndon!

Gurrët zbardhin,nëpër brigje
Lumi rrjedh,gjithë zhurmë
Delet varg,nëpër shtigje
Që nga malet,zbresin turmë!

Dhe tek shelgjet lozonjarë,
Porsi vajza,me gërsheta
Ndaloj pak e frymë marr..:
Sa e bukur qenkësh jeta!

- poezi nga Vaso Dushi


Zgjidhni me sa yje do votoni

Mesatarja:  4.3 / Votuan:  96