>
BIOSHQIP

Koha Kur Wnc Ishte Grupi Avangard I Rap-It Në Kosovë

20-08-2015
Pa dyshim mund të themi se ndihemi me fat që sot e kemi hip hop skenën më kualitative në mbarë Ballkanin, por rrënjët e kësaj skene janë thellë diku larg para dy dekadash.

Tingulli 3 dhe WNC ishin dy grupet prej të parave që vepronin në hip hop skenë.

Me rryma të ndryshme hip hopi, por me kualitet të lartë, ata vënë bazat e mëdha të themelit të një hip hop skene, e cila sot numëron shumë reperë, të cilët rivalizojnë në skenë.

Megjithatë, për t’ua kujtuar se WNC dhe Tingulli 3 kanë mbajtur koncerte para se ata mund të kenë ditur se vet kush janë, e dëshmon një foto.

Kjo fotografi që daton nga viti 1998, ku në “Daily Club” ishin të ftuar shumica prej artistëve të hip hopit dhe grupeve më të njohura të asaj kohe.
Tingulli 3, WNC dhe Etno Engjujt ishin disa prej të ftuarve teksa nuk munguan as grupe që kanë mbetur në kohë si Rrëfimi i Jetës, Koha, Boemët dhe Kalorsit e Dritës.

Kështu pa dyshim se respekti maksimal i takon këtyre grupeve që ishin nismëtarë të të ardhmes skenike për shumë artistë të tjerë, dhe idhuj të shumë prej tyre që sot konsiderohen si më të suksesshëm.
(Telegrafi)

Koha Kur Wnc Ishte Grupi Avangard I Rap-It Në Kosovë