Moj Kosovë moj tokë me halle
Kurr moj kurr ti lotë si ndale,
Qan-o për ty male e fusha
Sot n´Korrik po qan Botusha.

Ishin vitet shumë të vshrira
Nga Serbia spritej e mira,
Binin djem në funeral
Oficier e ushtar shqiptar.

II
Njimdhet korrik viti 90-të
Përgjithmonë u shue nji jetë,
N´vaj malsi e gjakovës
Për djaloshin e Kosoves.

Në Bitush ndrit nji kunor
Po na vjen me lajmë mortor,
Qau plaku e qau i riu
Kenka vra Hamit Haxhiu.

III
O Hamit, Hamit Haxhiu,
Të helmuan në Nish n´tradhëti,
Porse ti kurr su përkule
Për atdhe e Shqiptari.

T´sollen Ty nga Beogradi
Në atë vendlindje mos me u nda kurr,
Fli i qetë Hero i kombit
Ishe i fjalës, trim dhe burr.

IV
Moj Malsia e Gjakoves
Mbaj ndërmend ata djem tu,
Që u flijuen në vite e mote
Dritë e rreze ty me t´pru.

Sot n´Botushë në atë përmendore
Sjellin lule vasha e t´ri,
E kur fryen freskia e malit
Ta flladitin vlla shpirtin Ty.

V
Fli i qetë piloti i ynë
Pilot t´bahes në jetë andrrove,
Kur t´helmuen bandat çetnike
Përgjithmonë n´qiell flutorove.

Hero trim hamit Haxhiu
N´përmendore rrin krenar,
Të nderon sot plak` e i riu
E nderon gjith kombi mbarë.