Eheej, rilindja kombtare ende asht' e gjallë
Për nji engjull drite, për nji mërgimtar!
Na qofsh me jetë o burri i malësisë
Flamurtar dhe drit', bekim i Dardanisë!

Me shekuj shqip flet Bukureshti
Qysh n´lashtësi n´kohë t´Mihail Trimit,
Sot jem n´shekullin e Bubullimës
Ushtimë mbi Arbëri e n´bjeshkë t´Zadrimes?

Pyesin Zanat nga maje t'Sharrit
Kah po ndihet zani i nji shqiptarit?
Bubullima maraton i mërgatës sonë
Kosovës zanin sa lart po ja çonë!

Familja e Tij qysh para nji shekulli
Qëndresë në Iliridën e këtij tempulli,
Por bishat barbare i ndiqnin pa pushim
N`Bukuresht t´Asderinit gjetën strehim.

Ajo dritë e artit dhe shpresë për shqiptar'
Na e la Bakiun për komb trashëgimtar,
Me i tregu botës amtare n´përgjithësi
Se atje ashtë Kosova, se atje ka Shqipni.

Poeti patriot, gjithmonë n´vende t´para
Nëpër shumë botime, n´letërsi e gara,
S'kishte frikë nga ujqit,as nga sa zagar
Që donin ta zhbinin pse ishte shqiptar.

Na e mbrojti Zoti t´u i dhuru dritë
Gjithmonë n´ballë të punës me ata sy petrit,
Sikur Naim Frashëri me vllaznit e tij
Dritë e shpresë në art edhe për Shqipni.

Sot shkëlqen kultura te pleq e të ri,
T´u e marr si shembull çdo vepër të tij,
Nëna që e lindi dhe e qiti n´dritë,
Me fjalen Kosovë ajo ka dhanë shpirt.

Sot ia kemi borxh vargjet edhe kangën
Me ja nderu veprën, atdheun e nanën,
Rroft gjithmonë Shqipnia me troje amtare
Pena e Baki Ymerit ngren vlera kombëtare.