Për kompozimin dhe për tekstin ka punuar si autor Muhamet Tartari, këngën e orkestroi vetë artistja, ndërsa produksionin audio e realizoi Ares Shporta. Ky krijim artistik lansohet i realizuar mjaft mirë me anë të një klipi muzikor, i cili është publikuar me datë 23 Mars 2024. Kënga isopolifonike e Shqipërisë së Jugut "Hape Portën Moj Evropë" është shkruar nga këngëtari Muhamet Tartari nga fshati Vranisht i Vlorës. E shkruar në vitin 1990, kënga i përgjigjet migrimit masiv drejt Evropës pas rënies së komunizmit në Shqipëri. Interpretimi i Agonës e aktualizon atë pas liberalizimit të shumëpritur të vizave për qytetarët e Kosovës në vitin 2024, duke mbartur të kaluarën e saj të dhimbshme dhe duke e çuar këngën drejt një të ardhmeje më shpresëdhënëse.