Hej...
Ça bohet kështu?
Kjo asht Shqipnia qi kena endërru?
Kur drejtësia kërkon dritë,
parlamenti llambat fik...

Thuhet SPAK-u troket n'derë, kërkon llogari,
imuniteti mur betoni, pengesë për drejtësi.
Emra n'gazeta, shifra që tallen me varfëri,
pasuri marramendëse, babëzi si lubí.

Flasin për tendera, flasin për prona pafund,
apartamente, jahte veç vjedhje pafund.
S'po them verdikt, se gjyqi s'ka fol' akoma,
po pse Kuvendi dridhet, kur drejtësia kërkon prova?

Shtet mbi shtet, jo ligj për vete,
për ne luftë, për ta ryshfete.
Zhurmë n'Kuvend, tym e sherr,
ligjet kalojnë pa u ndjerë.

Shtet mbi shtet, popull i lodhur,
nesër fatura bie mbi shpinë.
Ata flasin për "reforma",
ne numërojmë bukën në çdo grimë.

Parlament - kaos, përplasje, britma,
pushteti mbyll veshët si gjithmonë, bën prita.
Në rreshta kalojnë ligje, pa debat, pa transparencë,
nesër mbi popullin, dënim pa avokat, pa sens.

Kodi i Punës n'letër thotë: "Puntor me dinjitet",
n'realitet punë pa orar, pa fundjavë, pa jetë.
Lejet vjetore t'i presin, festat s'quhen festa,
orët shtesë "detyrim", ligji mbetet në fleta.

Punonjësi s'flet - ka frikë nga lista e zezë,
nëse nxjerr zë - nesër s'punon, s'ke shpres.
Pagë minimale, çmime maksimale,
jeta bazike luks, po ata flasin ideale.

Rrjet merimangash, shushunja me kollare,
pijnë gjak të pastër, e thonë "zhvillime kombëtare".
Bashkë me abuzuesit që duhej t'na shërbenin,
harrojnë se janë prej votës që dhamë e vjedhin.

Shtet mbi shtet, jo ligj për vete,
për ne luftë, për ta ryshfete.
Zhurmë n'Kuvend, tym e sherr,
ligjet kalojnë pa u ndjerë.

Shtet mbi shtet, popull i lodhur,
drejtësia mbetet n'pritje.
Kapital që kthehet n'fashizëm,
kur ligji blihet me nënshkrime.

Kushtetuta thotë barazi para ligjit,
në realitet, e di çdo njeri që s'ka mik.
Drejtësi e vonuar është drejtësi e vrarë,
kur imuniteti bëhet strehë për mëkat.

S'po akuzoj, po pyes si qytetar,
pse frikë nga hetimi, nëse je i larë?
Pse mbrohen karriget më fort se e vërteta,
kur populli paguan, po fjalës i hiqet e drejta?

Ligje për kapitalin, shkelin punën e ndershme,
shteti bëhet ortak, me ligësinë për biznese.
Deri kur heshtja do quhet durim?
Se durimi po vdes, revolta do vijn

Kjo s'është thirrje urrejtjeje,
është thirrje kujtese.
Se shteti është i popullit,
jo i pasurisë me vjedhje.