Kjo këngë i kushtohet Nënë Androniqi Malo. Bijë e fisit Malo nga Himara. E mbetur fillikat pasi gjithë fisi u arratis ajo u detyrua të përballoj e vetme gjithë egërsinë dhe torturat që iu bënë nga sistemi diktatorial duke sjellë pasoja të rënda në jetën e saj. Por pavarësisht kalvarit të vuajtjeve e persekutimeve të mëdha, në fund ja doli duke triumfuar , si për ti dëshmuar gjithë shoqërisë sonë se njeriu është më i fortë se çdo sistem mizor politik , duke u bërë kështu shembull frymëzues për gjithë brezat e rinj. Pas përmbysjes së sistemit morën fund dhe vuajtjet e saj duke u bashkuar me gjithë të dashurit e zemrës.