Erdhi prilli
ç’u shkri bora
majave bie këmbora

O pranvera,
vera, vera sa gëzim
këndojnë zogjtë
nëpër pemë papushim

Gjith’ natyra ç’u ndryshua
dhe ndriçon
gjithë bota lulëzuar
lulëzon

Zogjtë dy nga dy
jetojnë në fole
çajnë qiellin
edhe shkojnë si rrufe

Seç pashë një bilbil
mënjanë, pa një shok
pse s’këndon po rri e qan,
qan me lot

Eshtë vajzë,
vajzë e malit, si një yll
si një lule,
lule mali trëndafil