Kosovë trimja po çon fjalë
Kush ma qon zanin në Shalë

Tym per tym kush t'jetë me dalë
Nuk ka plumba trimat me i'ndalë

Qaf e gryka mej zaptue
Ktu dushmanet mos me kalue

Janë bashkue Nikajt te tanë
Kan kcye lumin e dalë mat'anë

E i kan thirrë fisit t'Mërturit,
Me i'bashkue djemt e barutit

Me i'bashkue djemt e fisit
Me i'nisë luftën Mil Bogiçit

N'at' Qaf t'Kolçit ka hip djelmnia
Ka krisë pushka asht' tundë Malsia

Tahir Sokoli mustaqe-gjati
Po e merr pushka e s'po i del gjaku

Ç'po ushton ky mali i Drelës
Kërcet pushka e Kamer Prelës

Ç'ka ka thanë, Ai Mil Bogiçi
Se s'ka djem, toka e k'tij fisi

Bre Bogiç mbylle tefterin
T'vrasim Ty e t'zamë asqerin

Se ka djem Nikaj-Mërturi
M'bijnë si lisat e t'fortë si guri

Dirgjen shkijet gur mbas guri
Mitroloz po qet Merturi

N'at t'Qaf t'kolçit po ushton
Qafa agrit zjarr po leshon

Janë kala këto bjeshkët e mia
S'të lëshon gjallë djemt nga Malsia