Qou rapsod kape sharkinë
Me na folë sot për Sejdinë
Thotë Pashtriku e nigjoi Kruma
Djalë ma t'mirin sot e humba.

Sejdi Dida nji djalë hasjan
Gjithmonë ndejti mësim tuj dhanë
Shumë i dashtun e aktivist
Arsimtar e folklorist.

Në Tropoje, Lumë e Has
Vepra t'mira ai ka lanë pas
Msusi ynë punoi tanë jetën
Për kulturë e të vërtetën.

Nji ditë gushti 93
Profesori u nda nga ne
Mbetën librat pa u shfletue
Mbetën andrrat pa u realuzue
Veprat s'vdesin o por veç flasin
Djem si ti e nderojnë Hasin.

Punën tande që pate nisë
Ua ke lanë trashëgim rinisë
Hasi e Kruma të kanë nderue
Emrin tand shkollës ia kanë vue
Ne kët' kangë po ta knojmë prej malli
Që t'kujtohesh djalë pas djali