Eleftheria Eleftheriou është një këngëtare dhe aktore greko-qipriote. Ajo u bë e njohur nëpërmjet pjesëmarrjes së saj në sezonin e dytë të versionit grek të The X Factor. Menjëherë pas eliminimit të saj, Sony Music Greece e nënshkroi kontratën me të dhe e paraqiti si kandidate për të përfaqësuar Greqinë në Festivalin e Këngës në Eurovision 2010. Më vonë ajo u skualifikua nga finalja kombëtare, pas rrjedhjes së këngës së saj në internet nga një palë e panjohur.

Eleftheria kishte marrë pjesë më parë në finalen kombëtare qipriote për Festivalin e Këngës në Eurovision 2006 me këngën "Play That Melody To Me" me Maria Zorli, duke u renditur e shtata në finale. Aktualisht ajo është e lidhur me Universal Music Greece dhe është planifikuar të publikojë albumin e saj debutues në tetor 2012. Eleftheria përfaqësoi Greqinë në Festivalin e Këngës në Eurovision 2012, me këngën "Aphrodisiac", ku u rendit e 17-ta (e 9-ta në televotim).