Kjo këngë e muzikës popullore shqiptare është realizuar në vitin 2004 nga Elmi Korpuzi në bashkëpunim me Shoqatën Kulturo-Artistike "Abetarja" në Hannover, Gjermani. SH.K.A. "Abetarja" kishte për synim ruajtjen, kultivimin, promovimin e muzikës tradicionale krahas gjuhës dhe vlerave autoktone shqiptare në diasporë, si dhe prezantimin e tyre para publikut gjerman dhe ndërkombëtar. SH.K.A. "Abetarja" ka qenë pjesëmarrëse në shumë festivale folklorike, koncerte dhe aktivitete kulturore në Gjermani dhe më gjerë. Ndër arritjet më të rëndësishme ishte pjesëmarrja në Festivalin e Kulturës Shqiptare në Diasporë, organizuar nga Ministria e Kulturës, Rinisë dhe Sportit, ku u fitua vendi i dytë, si dhe çmime të tjera në festivale të ndryshme. Kjo këngë përfaqëson frymën autentike të dasmës shqiptare dhe trashëgiminë e muzikës sonë tradicionale.