TEKSTESHQIP
Pyetje-Përgjigje (F.A.Q.)
Pse u krijua TeksteShqip?
TeksteShqip ka si qëllim të shërbejë si një enciklopedi multimediale për gjithë muzikën shqiptare. Stafi ynë prej 20 vjetësh administron faqe interneti me tekste këngësh të huaja. Menduam se muzika shqiptare dhe fansat e saj e meritojnë një faqe të dedikuar me tekste vetëm shqip dhe prandaj e krijuam. Gjetëm menjëherë mbështetjen e shumë artdashësve, autorëve dhe shtëpive diskografike dhe falë një pune të përbashkët kemi arritur të krijojmë arkiva mjat të kompletuar me tekste, këngë, videoklipe, albume etj. Tani pas 12 vjetësh, TeksteShqip është kthyer në një nga faqet më të pëlqyera nga shqiptarët në të gjithë botën dhe rreth 30.000 vetë vizitojnë këtë faqe çdo dite.
Kush e drejton faqen TeksteShqip?
Faqja drejtohet nga Plarent Nasto dhe një grup fansash të muzikës shqiptare nga Shqipëria, Kosova, Maqedonia dhe Diaspora. Secili prej nesh jep kontributin në shkallë dhe nivele të ndryshme me qëllimin e vetëm për të sjellë me anë të teknologjisë një tabllo sa më komplete të muzikës shqiptare ndër vite.
Dua të shkarkoj këngë në formatin mp3
Në TeksteShqip nuk shkarkohen këngë dhe nuk ka file mp3. Ne jemi PRO muzikës, por kundër piraterisë. Në teksteshqip mund të dëgjoni këngët në streaming nga YouTube, por për një kualitet më të mirë të muzikës, duhet të blini këngët/albumet.
Pse këngëtari/grupi im i preferuar nuk është në renditje?
Asnjë renditje ne teksteshqip.com nuk bëhet nga stafi i faqes, por e bëni ju. Sa më shumë të hapen faqet e një këngëtari/grupi, aq më mirë pozicionohet në renditjen e përgjithshme.
Ju dërgova këngën e një këngëtari/grupi të ri. Pse nuk u pranua?
Gjatë fazës së verifikimit të këngëve të reja, stafi ynë bën një kontroll në Google dhe Youtube për të verifikuar nëse kjo këngë/ky grup egziston. Në rast se kjo këngë/grup egziston, na dërgoni bashkë me këngën një link ku mund të lexojmë info për këngëtarin/grupin/këngën.
Pse renditja në faqen e një festivali në teksteshqip është ndryshe nga renditja zyrtare e festivalit?
Renditjet e Festivaleve në TeksteShqip, bëhen në kohë reale në bazë të vizitave në tekstet e këngëve pjesëmarrëse gjatë javës. Dmth renditjen nuk e bën stafi i teksteshqip, por e bëni ju.
Ku i gjeni tekstet e këngëve?
Tekstet e këngëve shkruhen çdo ditë, që nga viti 2006, në mënyrë vullnetare nga: vizitorë të kësaj faqeje ose nga vetë autorët/ këngëtarët.
Pse kjo këngë nuk ka tekst?
Askush nuk e ka shkruajtur akoma këtë tekst. Gjithsecili mund të kontribuojë për të derguar një tekst që mungon.
Si mund të dërgoj një tekst?
Kliko këtu:
Pse ky tekst ka gabime?
Nuk pretendojmë të kemi të gjitha fjalët e gjithë teksteve të sakta, por shpresojmë në ndihmën tuaj për të patur tekste sa më të sakta.
Si mund të korrigjoj një tekst?
Kliko këtu:
Ky nuk është teksti i kësaj kënge
Kërkojmë ndjesë dhe ndihmën tuaj ose për të shkruajtur tekstin e saktë ose për t'ja sinjalizuar stafit, duke klikuar mbi "Korrigjo tekstin" tek faqja e këngës.
Si mund të promovoj muzikë falas në teksteshqip?
Shumë artistë e konsiderojnë faqen tonë një platformë promovimi, duke zgjedhur kështu një mënyrë të thjeshtë dhe tërësisht falas për tu afruar me atë pjesë të publikut që zbulon të rejat në muzikë vetëm me anë të faqes tonë. Lexo më shumë
Pse komenti im u fshi?
Nuk do publikohen komentet që përmbajnë sharje dhe ofendime. Kritikat janë normale, por sharjet dhe ofendimet nuk lejohen.
Pse nuk u pranua përkthimi im?
Përkthimet duhet të bëhen nga ata që e njohin gjuhën në të cilën përkthehet dhe përkthimi duhet të këtë kuptim në shqip.
Ku i gjeni videoklipet e këngëve?
Videoklipet merren nga Youtube në mënyrë manuale nga stafi ose nga viziotrët e kësaj faqeje. Faqja e Youtube vë në dispozicion videot për tu përdorur në çdo faqe interneti me anë të një kodi ku baza e të cilit është adresa URL. Zgjedhja për të marr videot vetëm nga youtube, bëhet edhe për të evituar problemet me të drejtat e autorit, pasi përgjithësia për videot në këtë rast është vetëm e YouTube.
Pse kjo këngë nuk ka video?
Nuk kemi arritur të gjejmë një videoklip për këtë këngë në YouTube.
Si mund të dërgoj një video?
Në rradhë të parë, video duhet dërguar në Youtube dhe kopjoni adresën URL që Youtube ofron. Hapni faqen e këngës në teksteshqip dhe klikoni mbi "Dërgo Videon" ose "Ndrysho Videon".
Pse video ime e preferuar nuk është ne Top 100 videot zyrtare?
Renditjen nuk e bën stafi i teksteshqip, por e bëni ju. Sa më shumë të shikohet kjo video në teksteshqip, aq më mirë pozicionohet në renditjen e videoklipeve.
Video hapej deri dje, por sot nuk punon.
Kjo do të thotë që video është hequr nga YouTube. Ne bëjmë vazhdimisht zëvendësimin e videove që nuk hapen me video të tjera. Por edhe ju mund të ndihmoni për të përshpejtuar zëvendësimin e videos duke klikuar mbi "Dërgo Videon" ose "Ndrysho Videon".
Pse disa video nuk hapen në TeksteShqip?
Disa kanale Youtube nuk lejojnë që videot të shikohen jashtë platformës Youtube.
Si funksionon regjistrimi në teksteshqip?
Regjistrimi në teksteshqip është shumë i thjeshtë dhe 100% falas përgjithmonë. Çdo gjë mund të kryhet brenda pak sekondash. Plotësoni modulin e regjistrimit. Bëni kujdes të jepni një adresë e-maili të saktë sepse aktivizimi i regjistrimit bëhet me anë të adresës tuaj e-mail.
Pse duhet të regjistrohem?
Duke u regjistruar fitoni funksione ekstra në teksteshqip. Regjistrimi do duhet për të hyrë në faqe të caktuara. Zakonisht janë faqet ku dërgohet informacion si për shembull korrigjime, votime, kontakte etj. Secili do këtë një zonë të tijën në teksteshqip ku mund të gjej informacionet që i interesojnë më shumë.
Për çfarë do e përdorni adresën time e-mail dhe të dhënat e mia?
Nuk kemi asnjë qëllim të përdorim adrsën tuaj e-mail. NUK do ju dërgojmë asnjë newsleter. Nuk do i japim askujt të dhënat tuaja. Adresa e-mail duhet eskluzivisht për verifikimin e regjistrimit dhe nuk do jetë asnjëherë e dukshme nga të tjerët.
Pse regjistrimi im është fshirë?
Kjo është një masë ekstreme që marrim në ato raste kur shohim që mungon minimumi i edukatës. Të regjistruarit e teksteshqip janë ata që po e ndërtojnë këtë faqe, por shumë herë na qëllon të hasim në disa që duan të bëjnë të kundërtën. Të dërgosh tekste të rreme, të sabotosh punën tonë, të ofendosh këngëtarët, të përdorësh regjistrimin për spam... janë disa nga arsyet pse një regjistrim mund të fshihet.
Çfarë mund të bëj më shumë një i regjistruar tek komentet?
Një i regjistruar mund të ketë një avatar identifikues (foto profili) dhe asnjë nuk mund të postojë një koment me të njejtin emër dhe avatar. Mund të sinjalizojë komente ofenduese tek moderatorët. Më shumë funksionalitete do të shtohen në vijim...
Pse nuk i fshini komentet ofenduese?
Moderatorët mundohen të monitorojnë të gjitha faqet e komenteve, por ndonënjeherë bëhet e pamundur, si rrjedhojë e numrit të madh të postimeve. Ju lutemi të bëni login dhe të sinjalizoni komentet ofenduese tek moderatorët tanë. Klikoni tek tre pikat në anën e djathtë të komentit.