Një dritë e bardhë
Ndriçon që lart
Nën hije po ri i ngrysur
Përmbi kitarë

Dhe belbëzoj
Dhe diç këndoj
Por këngën e bukur prapë
Bën sikur s'e dëgjon

Kitara qan
Tinguj shpërndan
Yjet pa shpirt
Ku janë futur vallë
Në këtë natë

Shumë po këndoj
Asgjë s'dëgjohet
Ku janë zogjt'
Që aq shumë
Unë po i kërkoj

Në qiell fluturo
O zëri im
Atje do gjesh ti zogjtë
Dhe yjet pa shpirt

Do kthehesh prapë
Në veshin tim
I larë me kaltërsinë
E qiellit pa mbarim