Silvia Kacarosi, me emrin e artit Josil, vazhdon studimet e larta në degën e Psikologjisë, viti i parë. Talentin për muzikën e ka trashëguar nga babai, i cili ka qenë adhurues i muzikës “Jazz” dhe emri i saj i artit është një bashkim gërmash mes emrit të saj dhe të atit. Aktivitetet e saj artistike kanë filluar që në shkollë. Ajo është vlerësuar me çmimin e dytë në Festivalin “Luleborë”, i cili zhvillohet në Shkodër.
Në Tetor 2020, Silvia Kacarosi merr pjesë në Luleborë V me këngën "Kadalë".
Në Mars 2021, Josil merr pjesë në Kënga Magjike 2021 me këngën "Zemra E Din". Me një krijim nga Shkodra Elektronike, Josil prezantohet në Kënga Magjike, në kategorinë New Artist.
