S’kam fjetur tër natën,
kthehem-rotullohem,
më bëre merak,
veç për ty mentohem..

Isharet të bëra,
se smë flet me gojë,
mos ja vë re botës,
të thotë çtë dojë.

Rrugës për në çezmë,
sa herë kalon,
djemve të mëhallës,
zëmrat përvëlon.

Ç’ka vajza me mua,
që zdo të më flasë.?!
kthen kokën mënjanë,
don të më pëlcasë!

Njëzet her në ditë,
shkoj posht e përpjetë,
shikoj nga ballkoni,
dhe në penxheretë..

Do të marr kitarën,
sonte pak me natë,
di këndoj një këngë,
dhe një serenatë!