Shkollën fillore dhe dy shkollat e mesme, Gjimnazin "Frag Bardhi" dhe shkollën e mesme të muzikës "Prenk Jakova", i mbaroi në Mitrovicë me sukses shembullor. Pasi mbaron dy vitet e shkollës së mesme, pranohet në Akademinë e Arteve, dega e muzikës, drejtimi "solokëndim", d.m.th. në moshën 16 vjeçare studion për solokëndim, në krye me Prof. Ahmet Dergutin. Korr suksese të mëdha nëpër koncerte e shfaqje operistike, si në vend ashtu dhe jashtë tij. Studimet postdiplomike i vazhdon në Shkup, ku dhe magjistron, përsëri për solokëndim. Duhet cekur se Linda sjell më shumë këngët e mirëfillta popullore, në versionin origjinal. Ka bashkëpunuar me Visar Pejën, Ymer Bajramin, Grupin Corona, e me vëllaun e saj, Labinotin.
