A B C D E F G H I J K L M N O P Q R S T U V W X Y Z #

Kur Due...

Kur due me shpirt vetëm me qeshë,
Me qeshë i lirë n’gjithë botën teme,
Më del nji dreq pa prit,pa deshtë,
E ma ndalë gazin, me nji të preme.

Kur due me kja vetëm,me mallë,
Për dashnitë që n’jetë kam humbë,
Më del nji zot,a shenjt me i thanë,
Që ma tret lotin,prej vendit m’shkundë.

Kur due me qesh e njiherësh me kja,
E herë mbas here me jua ndrrue rendin,
Dreqën e shenjtën m’thrrasin pa prâ,
Sa çmendin botën dhe mua çmendin.

Kur due botës mos me ja pa terrin,
Me dalë prej saj,krejt pa ra n’sy,
I lë mënjanë parajsen e ferrin,
Rri i magjepsun,vetëm me ty...

- poem written by Lulzim Kalaj


Choose star rating

Rating:  5 / Votes cast:  2





Kjo faqe përdor cookies vetëm për reklama dhe statistika. Kjo faqe nuk mbledh, nuk përdor dhe nuk shpërndan të dhënat tuaja. Kompanitë e palëve të treta që përdorin cookies janë: Google, Taboola dhe MGID.
Më shumë info  
teksteshqip.com © 2007 - 2018