Kam merak për ty o ba
E pyes mamin për çdo ditë
A kanë ftohtë ëngjëjt vallë?
A mërziten, a kanë frikë? 2x

Bija ime ti po rritesh
Unë me ty do jem çdo hap
Zërin tënd, këngët e tua
Babi i dëgjon nga lart 2x

Vajza ime zemër o
Moj e bukura e babit o
Të keqen e zërit tënd
Ma plotësove ëndrrën

Babi malli na ka marrë
Dhe njëherë të kemi pranë
Të na ndrijë prapë shtëpia
Të mos derdh më lot fëmija

Bija ime zemër o
Moj e bukura e babit o
Të keqen e zërit tënd
Ma plotësove ëndrrën

Babi malli na ka marrë
Dhe njëherë të kemi pranë
Të na ndrijë prapë shtëpia
Të mos derdh më lot fëmija

Mos ki merak për shtëpinë
Se jam unë o dritë o xhan
Do kujdesem për mamanë
Për motrën edhe vëllanë

Mos ki merak as për mua
Nuk jam vetëm në këtë botë
Gjithë shqiptarët u bashkuan
Zemrën time mbushën plot

Jam i lumtur bija ime.
Zemra po më bëhet mal
Zoti i bekoftë të gjithë
Për çdo ndihme e për çdo fjalë

Sa herë që të ndihesh vetëm
Edhe malli të të marri
Do t'i sjell lotët e mi
Do t'i sjell si shi behari

Bija ime zemër o
Moj e bukura e babit o
Të keqen e zërit tënd
Ma plotësove ëndrrën

Babi malli na ka marrë
Dhe njëherë të kemi pranë
Të na ndrijë prapë shtëpia
Të mos derdh më lot fëmija

Bija ime zemër o
Moj e bukura e babit o
Të keqen e zërit tënd
Ma plotësove ëndrrën

Babi malli na ka marrë
Dhe njëherë të kemi pranë
Të na ndrijë prapë shtëpia
Të mos derdh më lot fëmija

Bija ime mos më qaj
Në çdo këngë gjallë më mbaj

Kënga jote s'ka mbarim
Për ty engjëll babi im