>
BIOSHQIP
Biografia
Ka befasuar jo vetëm jurinë e spektaklit të famshëm televiziv ‘American Idol’ por edhe mbarë shikuesit, jo vetëm për zërin e saj të mrekullueshëm, por edhe për historinë që bart. 16-vjeçarja nga Mitrovica Melinda Ademi, ka rrëfyer historinë e saj që kur familja vendosi të largohej nga Kosova, gjatë luftës e deri tek ëndrrat për t’u bërë një këngëtare e madhe. Në videon e shfaqur nga ‘Fox TV’, vajza tregon për momentet e largimit të saj nga Kosova ndërsa ishte mjaft e vogël, megjithëse mban mend shumë mirë të shtënat. Ndërsa nëna e saj, nuk i mban dot lotët kur kthehet pas në kujtime duke treguar se ishte mjaft e vështirë të lije pas gjithçka. ‘Por si mund të rrisësh fëmijët në mes të luftës’- thotë ajo. Fitues të llotarisë amerikane, Melinda bashkë me prindërit, dy motrat dhe vëllain, e nisën jetën nga e para duke nisur kështu ëndrrën e tyre amerikane dhe duke bërë Amerikën shtëpinë e tyre. Megjithëse ishte e vështirë, ata ia dolën mbanë. E tani, Melinda është një prej konkurrenteve që spikat në ‘American Idol’, dhe që la pa fjalë anëtarët e jurisë Steven Tyler dhe Jeniffer Lopez ndërsa e pyetën me kuriozitet se nga vjen emri i saj i veçantë. “Nuk është e mundur të ketë një yll të tillë nga Kosova, por ja se e vërteta është se një yll qëndron para syve të mi’- ka thënë Steven Tyler. Pasi ajo këndoi këngën e saj, juria i uroi mirëseardhje në Hollywood me duartrokitje dhe buzëqeshje.

Melinda Ademi është duke i shijuar sukseset e para në skenën muzikore shqiptare falë disa këngëve, të cilat janë pëlqyer shumë nga fansat e saj. Përmes një postimi në rrjetet sociale, këngëtarja ka rrëfyer se dashuria e saj për muzikën është e madhe dhe se nuk është dorëzuar kurrë. “Gjatë gjithë jetës e kam dashur muzikën. Kur isha 16 vjeçare shkova në ‘American Idol’, nuk fitova dhe shkova sërish pas dy vitesh dhe arrita në gjysmëfinale. Nuk e fitova çmimin, por nuk hoqa dorë. U ktheva në vendlindjen time që ta bëja muzikën, të cilën e ndjej. U rrëzova në skenë dhe u çova prapë, dhe u përballa me vështirësitë. Jam krenare me veten dhe është një fakt se asnjëherë nuk duhet dorëzuar”, ka shkruar Melinda në një postim në Instagram”.

Më datë 20 Nëntor 2015, Melinda Ademi publikon videoklipin "Purr".

Më datë 28 Maj 2018, Melinda Ademi publikon videoklipin "Lulija", në bashkëpunim me Seven.

Më datë 21 Korrik 2018, Melinda Ademi publikon videoklipin "Lej".

Më datë 14 Dhjetor 2018, Melinda publikon videoklipin "Palo".

Më datë 30 Janar 2019, Melinda publikon videoklipin "AMI".

Më datë 28 Mars 2019, Melinda publikon videoklipin "Çifteli". Kënga njëherësh shënon projektin e saj të parë muzikor që nuk është ‘diss’ ose dedikim ndaj dikujt. Muzika është punuar nga Panda Music, gjersa për tekstin janë kujdesur Melinda, Tonic dhe Denk. “Çifteli” vjen e vizualizuar edhe me një klip, në të cilin Melinda shfaqet mjaft atraktive dhe me performancë të veçantë.

Në Maj 2019, Melinda Ademi merr pjesë në Netët E Klipit Shqiptar 2019 me këngën "Lulija", në bashkëpunim me Seven.

Më datë 12 Qershor 2019, Melinda publikon videoklipin "Pika Pika". Projekti është prodhim i Panda Music, me tekst të vet këngëtares dhe me ‘beat-in’ e përgatitur nga DjR Beatz. Miksimi është bërë nga Niklas Neumann, ndërsa masterizimi është realizuar nga Lex Barkey. Videoklipi i kësaj kënge është xhiruar në Kosovë, ndërsa në këtë projekt përfshihet edhe aktori Osman Azemi në rolin e “Tetes Gjyli”.

Më datë 18 Gusht 2019, Melinda publikon videoklipin "A Po Don Pak".

Më datë 15 Dhjetor 2019, Melinda Ademi publikon videoklipin "Karma".

Më datë 16 Maj 2020, Melinda Ademi publikon videoklipin "24 Bars".

Më datë 24 Korrik 2020, Melinda Ademi publikon videoklipin "Nashta".

Më datë 30 Gusht 2020, Gjiko & Melinda publikojnë videoklipin "X5". Teksti i këngës u shkrua nga Gjiko & Melinda Ademi. Videoklipi u prodhua nga Entermedia, ndërsa produksioni audio u realizua nga Big Bang (Arbër Gjikolli).

Më datë 20 Dhjetor 2020, Melinda Ademi publikon videoklipin "Mekatare". Teksti i këngës u shkrua nga Melinda Ademi, Gjiko & Skerdi. Produksioni audio u realizua nga Big Bang (Arbër Gjikolli).

Më datë 31 Maj 2021, Melinda publikon videoklipin "Qa Din Ti". Teksti i këngës u shkrua nga Melinda Ademi, Tonic & Denk, ndërsa orkestrimi u punua nga DorantBeats, Dj Bannzz & Tonic. Produksioni audio u realizua nga Panda Music.

Më datë 7 Korrik 2021, Melinda publikon videoklipin "Ay Caramba", në bashkëpunim me Nora & Gjikon. Teksti i këngës u shkrua nga Melinda Ademi & Gjiko. Produksioni audio u realizua nga Big Bang (Arbër Gjikolli).

Më datë 6 Nëntor 2021, Melinda publikon videoklipin "Melodia". Muzika dhe teksti i këngës janë punuar nga Melinda Ademi. Produksioni audio u realizua nga Çelik Lipa.

Më datë 3 Maj 2022, Melinda publikon videoklipin "All Night". Tekstin e këngës e punuan në bashkëpunim Melinda Ademi, Gjiko & Skerdi. Produksioni audio u realizua nga Big Bang (Arbër Gjikolli).

Në Maj 2022, Melinda merr pjesë në Netët E Klipit Shqiptar 22 me këngën "Ay Caramba", në bashkëpunim me Nora & Gjiko.

Më datë 13 Korrik 2022, Melinda & Ledri Vula publikojnë videoklipin "A M'ke Dasht". Tekstin e këngës e punuan në bashkëpunim Melinda Ademi, Ledri Vula, Gjiko & Skerdi. Videoklipi u prodhua nga Entermedia, ndërsa produksioni audio u realizua nga Big Bang (Arbër Gjikolli).

Më datë 23 Shtator 2022, Finem & Melinda publikojnë videoklipin "Milano". Videoklipi u prodhua nga Cinegr8, ndërsa produksioni audio u realizua nga Rvchet & Big Bang (Arbër Gjikolli).

Më datë 20 Nëntor 2022, Melinda Ademi publikon videoklipin "Flasin". Tekstin e këngës e punuan në bashkëpunim Melinda Ademi & Elinel. Videoklipi u prodhua nga kompania Imagine Films.

Më datë 8 Shkurt 2023, Melinda publikon videoklipin "Mere". Tekstin e këngës e punuan në bashkëpunim Tonic, Denk & Melinda Ademi. Videoklipi u prodhua nga Entermedia, ndërsa produksioni audio u realizua nga Panda Music.

Më datë 2 Qershor 2023, Bardhi & Melinda publikojnë videoklipin "Ferrari". Videoklipi u prodhua nga kompania Sekuencë.

Më datë 25 Qershor 2023, Melinda & Skerdi publikojnë videoklipin "Mafioza". Kënga është kompozuar nga Skerdi, ndërsa tekstin e kanë shkruar së bashku Melinda Ademi & Skerdi. Videoklipi u prodhua nga Imagine Films, ndërsa produksioni audio u realizua nga Big Bang (Arbër Gjikolli).

Më datë 20 Korrik 2023, Melinda publikon videoklipin "Tornado", në bashkëpunim me Rinën. Kënga vjen e realizuar në një mega-bashkëpunim, ku Tonic & Denk kanë punuar bashkë muzikën, Tonic, Denk & Melinda Ademi janë kujdesur për tekstin, ndërsa në studio për arranzhimin e këngës punuan DjR & Dj Bannzz. Videoklipi u prodhua nga Imagine Films, ndërsa produksioni audio u realizua nga Panda Music.

Më datë 7 Dhjetor 2023, Melinda & Bardhi publikojnë videoklipin "Mos Ma Prish". Tekstin e këngës e punuan në bashkëpunim Melinda Ademi & Bardhi Idrizi. Videoklipi u prodhua nga Entermedia, ndërsa produksioni audio u realizua nga Çelik Lipa.