Ni ftesë e re na erdh, shpi për shpi
N'kurbet po martohet nipi maj ri
Metëm pa fjalë s'dim qysh me shku
A bahet dasëm pa lu e pa knu

Babës plak s'poj nihet zani
Me ba darsëm pa krisë tupani
Kit gzim nana, moti e ka pritë
Sa shumë ka dasht kulaçin me sitë

Kurbetçarë u bonëm veç ni ditë
Nipi me vlla dolën me na pritë
Me flamur t'kuq e me shqiponjë
T’u mushke menja se jena n'Kosovë

Halla e bija sa kanë udhtu
Për dasëm t’nipit hiç pa pritu
N’diasporë plotë u mush shpija
S’bahet dasëm pa kanë shoqnija

Krejt jena gati dasma m’u nisë
Nana ma s’pari miellin p’e sitë
Ftyra e babes po m’rrin nersy
Çiftelisë zanin kur ja ka ni

Me gojë t'hapun krejt jena m'et
Sa dasmë e madhe e sa shyhret
Krejt me tradita qysh osht adet
E bani dasmën nipi n'kurbet