Nisur nga dëshira për të dhuruar sa më shumë emocione, ky projekt paraqitet online i përpunuar në sferën vizuale me një videoklip muzikor, i cili u publikua me datë 10 Prill 2019. Autor i melodisë dhe autor i tekstit është Rashid Krasniqi. Kënga është ripërpunim i këngës së njohur "O vendi im". Me kompozim dhe tekst të kantautorit e veprimtarit Rashid Krasniqi e interpretim të paharrueshëm të zërit të ëmbël, Muharrem Qena, vjen në një variant të përpunuar nga Rona Nishliu Quartet, si një falënderim i përzemërt për krijuesin dhe interpretin e dedikim për të gjithë ata që jetojnë me zjarrin dhe mallin për vendlindjen, familjen, lagjen e fëmijërisë, përroskën e fshatit… Kënga është vizualizuar edhe me klip, i cili sjell pamje të bukura të Prishtinë, teksa përgjatë gjithë kohës shoqërohet me vargjet e tekstit. Kjo këngë është paralajmërim për albumin e dytë të kuartetit, që promovohet me koncertin premierë në Prishtinë më datë 24 prill.