Këngë të bukur mi këndon
ai bilbili i Kavajës
Mirësi bon kur e nigjon
Selmonin e Senit Sajës

Knojnë edhe bilbila tjerë
por Selmonin kur nigjoj
pushojnë kongën menjiherë
nizen flakë e nuk durojnë

Ja kom thon’ unë çdo njeriu
se n’Kavajë e kom nji mik
digjet Selmon hallexhiu
si garip e si ashik

Kur më vjen në Elbasan
dal e pres ke rrapi vetë
merrja kongës o Selmon
të knoftë zemra mot e jetë

Pleqënia na u afru
mysafiri e mban këtë botë
Myzyr hatrin ma don mu
hajt ta pimë o dhe nji gotë

Do ta pimë për sytë e ballit
do ta pimë s’e ka lezet
atje në hije të portokallit
Jusuf Myzyri po na pret

Kur ma dhanë haberin e zi
s’e ka vdek Selmon këngëtari
besa fort kam qa si fëmi
unë Myzyri, unë qyqari