djérs/ë,-a

Klasifikimi: emër i gjinisë femërore, numri shumës, kuptim i figurshëm

1. emër i gjinisë femërore, numri shumës
   djérs/ë,-a -ë(t)
   • ▸ lëng i tejdukshëm si ujë, që del nga disa #gjëndra të nënlëkurës kur bën shumë nxehtë, gjatë një pune të lodhshme etj.: djersë të nxehta (të ftohta); kam djersë.
     Shiko gjithashtu: #gjëndra
   • ▸ shtresë me #bulëza uji, që formohet mbi sipërfaqen e sendeve të ftohta nga avuj të nxehtë: ka zënë djersë xhami (muri).
     Shiko gjithashtu: #bulëza
2. kuptim i figurshëm
   • ▸ punë e lodhshme dhe e ndershme, përpjekje këmbëngulëse; mund; fryti i kësaj pune a i këtyre përpjekjeve: njeri i djersës njeri i punës, njeri që punon ndershmërisht; me djersën tonë me punën e me mundin tonë, pa ndihmën e askujt; derdh djersë punoj shumë e pa u kursyer; i kulloi djersa u lodh shumë për të bërë një punë; e lagu me djersë (diçka) punoi shumë për të bërë diçka; i nxori djersë (dikujt) e lodhi shumë; i dolën djersët e mortjes (e vdekjes) u lodh shumë për vdekje, u #rraskapit; rron me djersën e ballit rron me punën e me mundin e vet; i hëngri djersën (dikujt) i përvetësoi frytet e punës; aq sa i peshon djersa aq sa ka punuar e është lodhur vetë; i ka pirë djersën (dikujt) e ka munduar shumë; i ka ngrënë djersën.
     Shiko gjithashtu: #rraskapit