kthej

Klasifikimi: folje kalimtare, i ligjërimit bisedor, kuptim i figurshëm, folje jokalimtare

1. folje kalimtare
   kthej kthéva, kthýer
   • ▸ sjell a rrotulloj diçka nga ana e #kundërt; përmbys: e kthej barkas; kthej bukët (petullat); kthej arën lëroj tokën a ugarin.
     Shiko gjithashtu: #kundërt
   • ▸ qep rishtas një veshje, duke vënë për faqe të jashtme atë që ishte e brendshme; përthyej anët e një veshjeje; #përvesh: kthej pallton (faqen e jastëkut); kthej mëngët.
     Shiko gjithashtu: #përvesh
   • ▸ përkul; përdredh: kthej hekurat; / ndryshoj drejtimin e lëvizjes së dikujt a të diçkaje: kthej makinën (timonin) djathtas; e ktheva shokun nga rruga; ktheva rrugë ndërrova rrugën: kthej kokën (sytë) majtas.
   • ▸ i jap dikujt atë që i kam marrë; i jap një përgjigje; i përgjigjem një veprimi; ia shpërblej dikujt (edhe në disa njësi #frazeologjike): ia ktheva librin; ia ktheu me të egër; nuk i ktheu fjalë nuk e kundërshtoi; nuk kthen dorë nuk i bie dikujt që e godet; i ktheu pushkën e qëlloi ose e kërcënoi duke iu drejtuar me pushkë; ia ktheu (borxhin) dyfish ia lau borxhin dhe i dha më shumë.
     Shiko gjithashtu: #frazeologjike
2. i ligjërimit bisedor
   • ▸ pi me fund: ktheu dy gota me raki.
   • ▸ lë dikë në provim: sot ktheu dhjetë studentë.
3. kuptim i figurshëm, i ligjërimit bisedor, folje jokalimtare
   • ▸ edhe zëvendësoj ose #këmbej diçka me një tjetër; e sjell (një tekst) në një gjuhë a në një #variant tjetër; #shndërroj; ndërroj, #konvertoj: i ktheu lekët në dollarë; nuk i kthejmë zakonet; e ktheu emrin (fenë); e ktheu në shqipen e sotme; / edhe ia ndryshoj dikujt sjelljen, qëndrimin a mendimin: ia ktheva mendjen; ktheu mendje ndryshoi mendim; kthen nga fryn era nuk është i qëndrueshëm.
     Shiko gjithashtu: #këmbej, #variant, #shndërroj, #konvertoj
4. folje jokalimtare
   • ▸ kthehem: do të kthej nga shtëpia.
   • ▸ (me trajtë të shkurtër përemërore) ia marr me një zë tjetër këngës që ka #filluar dikush: këndon vjehrra dhe ia kthen nusja.
     Shiko gjithashtu: #filluar
5. folje jokalimtare, i ligjërimit bisedor
   • ▸ ndryshoj për mirë, marr veten pas një sëmundjeje: ka kthyer krejt. * e ktheu përmbys bëri #rrëmujë të madhe; solli dëme të mëdha; shkatërroi çdo gjë.
     Shiko gjithashtu: #rrëmujë