shoh

Klasifikimi: folje kalimtare, folje jokalimtare, kuptim i figurshëm, veta, pasthirrmë

1. folje jokalimtare
   shoh páshë, párë
   • ▸ kam aftësinë të #rrok e të #perceptoj me sy dikë a diçka; vë re, shquaj; dalloj; #diktoj: shoh mirë; sheh larg; e pashë me këta sy; s’pashë gjë; iku pa e parë kush; nuk sheh syri, po sheh mendja (fig.); kur të shoh me sy, më bie ndër mend për ty.
     Shiko gjithashtu: #rrok, #perceptoj, #diktoj
2. folje kalimtare
   • ▸ i hedh sytë dikujt a diçkaje, #shikoj; zbuloj a gjej diçka; e ndiej se është i pranishëm; e quaj; e kuptoj; e njoh: shoh orën (llogarinë); shoh shtypin e ditës; nuk shoh ndonjë rrezik; e pa të udhës; ke për të parë!; siç shihet… siç kuptohet vetvetiu; pra.
     Shiko gjithashtu: #shikoj
   • ▸ takoj dikë, ndesh, vizitoj; më shfaqet dikush a diçka; përfytyroj: s’e kam parë prej kohësh; mos ia pafsha sytë! (përçm.); e kam parë në ëndërr; pamë festën (manifestimin); pamë qytetin.
   • ▸ shqyrtoj diçka, vlerësoj: e panë projektin; e shohin me sy tjetër; u pa shënim në një shkresë, në një detyrë me shkrim etj. për të treguar se është parë e është shqyrtuar.
3. kuptim i figurshëm
   • ▸ përjetoj, provoj; vuaj; arrij ta jetoj diçka: ka parë shumë; ç’të keqe ke parë?; nuk e pa lirinë e vendit.
4. veta
   • ▸ III është i kthyer në një drejtim të caktuar; i bien #rrezet e diellit: dritaret shohin nga jugu; nuk e sheh dielli.
     Shiko gjithashtu: #rrezet
5. pasthirrmë
   • ▸ si shpreh habinë e folësit ose tërheq vëmendjen për dikë a për diçka: shih ç’na bëri!; shih ç’na qenka!; shih ç’i pjell mendja!