Ai është një ndër autorët më të vlerësuar për krijimtarinë e tij të pasur në muzikën e lehtë shqiptare, me pjesëmarrje të ndryshme në Festivalet e Këngës, dhe veçanërisht me një repertor të njohur në muzikën për fëmijë. Kompozitori Rrëza është vlerësuar shpesh me çmime në evente e festivale të shumta muzikore brenda dhe jashtë vendit. Kontributi i tij si muzikant është shumë i vlerësuar edhe në sferën akademike, me publikime të ndryshme tekstesh shkollore te edukimit muzikor, si edhe përvojën pedagogjike që përcjell në brezat e rinj.
