Ç'është ajo e ve e gjorë
Mbretëreshë pa kunorë,
Qan e lutet nan' e mjerë
Kërkon vatër edhe nder.

Do lirinë edhe atdheun
Siç e pat me Skënderbeun,
Bijt' e besës kërkon pranë
Kur i thirri e s'i vanë.

Hej,heej...

Mbahu nën' o mos ke frikë
Se ke djem në Amerikë,
Bijt' e besës se Skenderbeut
Që i dalin zot atdheut.

Cilët janë ata tiranë
Që të prenë e që të vranë,
Dhe të therrën bij' e bija
Dhe t'u mbyll t'u nxi shtëpia.

Cilët bij' të tradhëtuan
Dhe të dogjën, të përvëluan
E të lanë o shkabë e ngratë
Pa liri, pa zogj, pa shpatë.

Hej,heej...

Mbahu nën' o mos ke frikë
Se ke djem në Amerikë,
Bijt' e besës së Skënderbeut
Qe i dalin zot atdheut.

Mbahu pra o nan' Kosovë
Nuk do t'jesh ma kurrë e gjorë,
Në Gjenevë e Amerikë
Ligjërojme e s'kemi frikë.

Do ta tundim gjithë vatan'
Se s'është vatër për tiranë,
Për lirinë e vendit tonë
Sot, se nesër do të jetë vonë.

Hej,heej...

Mbahu nën' o mos ke frikë
Se ke djem në Amerikë,
Bijt' e besës së Skënderbeut
Qe i dalin zot atdheut.