Andreea Vilcan ka studiuar epidemiologjinë në Universitetin e Mjekësisë, Farmacisë, Shkencës dhe Teknologjisë George Emil Palade në Târgu Mures dhe punon si epidemiologe. Krahas kësaj ajo merret edhe me aktivitete artistike dhe muzikore. Te ne është bërë e njohur me interpretimin e disa këngëve në gjuhën shqipe. Prej këtyre këngëve dallohet kënga "Zemër", e këngëtares Dhurata Dora, si dhe kënga emblematike Mora fjalë kushtuar Adem Jasharit. Që në fillim të videos së këngës kushtuar kryekomandantit legjendar Adem Jashari për adhuruesit e saj ajo shprehet me këto fjalë:

"Çka ndodhi në Kosovë uroj të mos ndodhë askund në botë. Kjo këngë flet për historinë e legjendarit Adem Jashari që sakrifikoi tërë familjen për liri. Sot ndërsa po këndoj këtë këngë, zemra ime qan për ngjarjet dhe vuajtjet që Kosova ka kaluar. Ju dua Kosova!"