Atalanta Kërçyku ka lindur në Elbasan. Ka kryer studimet per Arkitekturë, por paralelisht ka spikatur edhe në spektaklet e bukurisë. Me 6 kurora Miss-i, kombëtare dhe ndërkombëtare, Atalanta provoi televizionin edhe si moderatore. Prej më shumë se 6 vitesh, ajo ka provuar të moderojë disa formate të ndryshme. Showbizz, sport, politikë kanë qenë përzgjedhjet e saj në moderim, duke mbajtur edhe autorësi në disa prej tyre. Si një imazh i konsoliduar televiziv, Atalanta i ka pasur të shpeshta daljet televizive, duke u përfshirë edhe në çështje sociale në vendin tonë. Pasionet e saj janë piktura dhe udhëtimet.