Bay T është një artiste e talentuar dhe tekstshkruese nga Mitrovica dhe një emër që po bëhet gjithnjë e më i njohur në botën e muzikës dhe artit. Në Tetor 2024 bëhet banorja e pestë që hyn në shtëpinë e Big Brother VIP Kosova 3. Në hyrjen e saj, Bay T shprehu besimin se nuk ka pasur asnjëherë lojtarë si ajo në formatin e këtij reality show. Ajo ka deklaruar se është e gatshme të japë maksimumin e saj, por ndien se ndoshta publiku nuk është plotësisht i gatshëm për të. Ajo ka premtuar se do të sjellë një energji të re dhe një perspektivë të freskët në shtëpi, duke shpresuar të krijojë momente të paharrueshme për publikun dhe vetë banorët. Bay T është e vendosur të tregojë anët e saj të ndryshme dhe të sfidojë veten në këtë aventurë, duke u shprehur se është gati të përballet me çdo situatë që i del përpara.
