Komponimi dhe arranzhimi është realizuar nga Eugen Herri, teksa kënga është një krijim me tekst nga vetë artisti. Gjithçka u bë më shumë emocionuese, falë faktit që ky produkt i ri është servirur tanimë tek ne i ilustruar me vlera artistike me një klip muzikor, për video produksionin e të cilit është bashkëpunuar me Fabrika, ndërsa xhirimet e videos u realizuan nën regjinë e Genc Osmani. Kjo premierë erdhi në platformat online më 23 Maj 2024 dhe interesimi i publikut u bë real duke filluar qysh nga dita e parë. Kjo këngë është prodhuar nga Big Basta (Gerald Xhari) dhe Fabrika, nën konceptin e fushatës së krijuar nga McCann Tirana, si pjesë e projektit "Ndihma e autoriteteve kombëtare të Republikës së Shqipërisë për të ulur rrezikun e përhapjes së armëve dhe keqpërdorimit të Armët e Vogla dhe të Lehta”, i cili zbatohet nga Prezenca e OSBE-së në Shqipëri, në bashkëpunim të ngushtë me Ministrinë e Brendshme dhe Policinë e Shtetit Shqiptar, financuar nga Bashkimi Evropian, Republika Federale e Gjermanisë dhe Republika e Francës.