Heu, në muzeun historik,
Njiher’ shkova me nji mik,
Me bylbylin kengetar-e,
Dërvish Shaqën, o kosovar-e,
Ja koburja e Boletinit,
Vesh’ me serm e tyt’ florini,
Paska ardhur në Tiran’,
Pran’ heronj’ve të tokës nan’-e.

Heu, n’katër anët e Kosovës,
Ka dal zani Knjaz Nikoll’s,
Isa Begun, me ma gjet-e,
Me armik mor, o i nat’ me fjet-e,
E ka prit, e ka gostit,
E ka majt nji nat’ e i dit’,
I pabesi s’njeh tradita,
Ja ka mush rrugët me prita.

Heu, Knjaz Nikolla rrahu telin,
N’Podgoric’ e dha haberin,
Me u çu n’kam sa jan’ xhanar-e,
Me vra Isën, o kosovar-e,
Jo se vret trimin Jutbinës,
Që ia çet flakën Cetinës,
Tan’ Kosova e dha betimin,
Gjall’ e kem Is’ Boletinin.

Heu, Veshoniqi e ka nal’,
Ndal Isa se i kam dy fjal’,
Arm’t e brezit me i dorzue,
Veshoniq mor, o ke gabu-e,
A e din me kend po flet?
S’mi ka ul’ as krajl as mbret,
Sa për ty mos qofsha fal,
Arm’t për mu jan’ bab’ e djal’-e.

Me bes’premin pushk’ ka nis’,
Çau rrethimin baca Is’,
Tu ja çit flakën Cetinës,
Hej, s’lidhen agajt e Jutbinës o-hej.