Dëbora Kodra është një talent premtues në fushën e këngës dhe artit nga Kosova. Vetëm 12 vjeç, ajo ka marrë pjesë në disa festivale për fëmijë brenda dhe jashtë Kosovës, ku është vlerësuar për performancat e saj mbresëlënëse. Ndër këngëtaret e saj të preferuara janë Vaçe Zela, Shkurte Fejza dhe Shyhrete Behluli, duke ndjekur gjurmët e tyre në muzikën folklorike shqiptare.

Pasioni i Dëborës për muzikën filloi që në moshën tre vjeçare, ndërsa tani ka realizuar pesë këngë të saj, të cilat përfshijnë: “Gjyshit trim,” “Lipjani këndon,” “Babi,” “Atdheu im,” dhe “Ilahia pa nanë nuk ka xhennet.” Përveç muzikës, Dëbora ka një dashuri të madhe për vizatimin dhe poezinë. Ëndërron të bëhet një këngëtare dhe artiste e njohur në fushën e artit shqiptar, duke kontribuar me talentin dhe pasionin e saj.

Përveç suksesit në muzikë, ajo është gjithashtu një lexuese e zjarrtë, me mbi 100 libra të lexuar deri më tani, dhe po punon për të përfunduar një libër me poezi ku pasqyron ndjenjat e saj artistike. Disa nga pikturat e saj janë ekspozuar në tregun vendor, duke i ofruar publikut mundësinë për të njohur talentin e saj vizual.

Dëbora ka dhënë intervista në disa radio dhe televizione, ku ndan pasionin për muzikën dhe planet për të ardhmen. Ky përkushtim i saj në fusha të ndryshme artistike dëshmon për potencialin dhe dëshirën për të arritur ëndrrën e saj.