Delina Murati lindi më 26 shkurt 2006 në Tiranë, Shqipëri. Ajo ndoqi shkollën 9-vjeçare në “Shkollën e Kuqe” dhe më pas vazhdoi studimet në shkollën profesionale “Hermann Gmeiner”, ku u specializua në Teknologjinë e Informacionit dhe Komunikimit (TIK).

Që në fëmijëri, Delina ka pasur një dashuri të madhe për artin dhe muzikën. Pasioni i saj u konsolidua në moshën 15-vjeçare, kur nisi leksionet e para të kantos dhe njëkohësisht mësoi të luante në kitarë në mënyrë autodidakte. Karantina ishte një periudhë eksperimentimi dhe rritjeje për të, ku nisi të shkruante poezi dhe tekste këngësh, duke shprehur emocionet dhe kreativitetin e saj në mënyrë autentike.

Angazhimi i saj në skenën muzikore u konkretizua me pjesëmarrjen në konkurse dhe festivale të ndryshme, si Pop Talent Fest (çmimi i dytë, çmimi i parë), Folk Talent Fest (çmimi i parë) dhe Festivali i Këngës Shqiptare. Një moment kulmor në karrierën e saj artistike ishte debutimi i saj me publikimin e këngës së saj të parë në edicionin e pestë të Festivalit të Këngës Shqiptare në News 24. Kënga, e titulluar “Majtas dreqër, djathtas djaj”, me tekst të poetit të madh Dritëro Agolli dhe muzikë të kompozitorit të njohur Stefano Bossi. Ky debutim i dha Delinës një mundësi të shkëlqyer për të shfaqur talentin e saj dhe për të fituar njohje më të gjerë në skenën muzikore.

Me një kombinim të pasionit për artin dhe dijet në fushën e TIK-ut, Delina synon të krijojë një rrugë unike për veten, ku muzika dhe teknologjia mund të ndërthuren në mënyra inovative. Me ambicie dhe punë të palodhur, ajo vazhdon të zhvillojë talentin e saj, duke ndjekur ëndrrat me vendosmëri dhe pasion.

---