Krijimi muzikor është përcjellë tek shikuesit mjaft mirë edhe me një videoklip muzikor, i cili u publikua më 15 Qershor 2024. Për vijën melodike dhe për fjalët e këngës është kujdesur Kreshnik Avdiu, teksa autor i orkestrimit është Agon Neziri. Në shenjë nderimi dhe sadakaje rrjedhëse për Haxhi Ibrahim Devollin, kjo xhami është ndërtuar nga bashkëshortja e tij së bashku me të bijtë, ngase ëndërr e të ndjerit ishte ndërtimi i një xhamie, realizimin e së cilës ia ndërpreu vdekja e tij, Zoti qoftë i kënaqur me të!
Ilahia që po e dëgjoni, i kushtohet Haxhi Ibrahim Devollit, si dhe njerëzve mendjendritur që i shërbyen kombit shqiptar dhe Islamit në trojet shqiptare. Mësimet e tyre bënë që shqiptarët t'i shpëtojnë asimilimit, duke i ruajtur doket dhe zakonet, gjuhën dhe kulturën, e mbi të gjitha familjen si institucion.