Eldonita Arifaj, e njohur me nofkën artistike ITTA, është e lindur dhe e rritur në Pejë më 08.07.1995. Aktualisht jeton dhe vepron në Zvicër. Pasioni i saj për muzikën ka nisur që në moshë shumë të re, rreth 12–13 vjeç, por për shkak të kushteve të vështira të jetës nuk ka mundur ta vazhdojë në atë kohë rrugën artistike.

Sot, Eldonita është nënë e tre fëmijëve dhe punon si motër medicinale në spital, duke balancuar jetën profesionale, familjare dhe pasionet e saj. Përveç muzikës, ajo kultivon disa hobi që e plotësojnë: sporti, veçanërisht fitnesi dhe tenisi, si edhe arti dhe dizajni grafik.

E motivuar dhe më e pjekur se kurrë, ITTA ka vendosur t’i kthehet sërish muzikës. Në një periudhë prej vetëm 7 muajsh ka realizuar pesë këngë, duke dëshmuar përkushtim, energji dhe një vullnet të fortë për të ndërtuar karrierën e saj artistike.

Me stilin e saj unik dhe historinë inspiruese, Eldonita Arifaj – ITTA – po ndërton hap pas hapi rrugën e saj në skenën muzikore.