Ajo sot njihet si një prej artisteve më të suksesshme në Greqi duke numëruar me mijëra fansa, të cilët e ndjekin jo vetëm për muzikë por edhe për stilin e saj teper ekstravagant. Shqiptarja Eleni Foureira ka folur dje ekskluzivisht për revistën e njohur ndërkombëtare "People" ku mes tjerash ajo tregon edhe për lidhjen e saj me Shqipërinë. "Që kur jam larguar nga Shqipëria, në moshën një vjeçare nuk jam kthyer më", është shprehur artistja, emri i vërtetë i së cilës është Entela Fureraj. "Tani më shumë se kurr dëshira për t’u kthyer është e madhe dhe shumë shpejt do të jem e pranishme për publikun shqiptar. Unë jam shumë e lumtur që në vitin 2016 ndihem e lirë të shpreh origjinën time, kjo pasi suksesi nuk duhet parë në ngjyrën, fenë apo vendilindjen e personit", ka thënë artistja, e cila deri vonë kishte mohuar origjinën e saj shqiptare përshkak të frikës së paragjykimeve. Eleni ka paralajmëruar se do të jetë e pranishme për publikun shqiptar shumë shpejt, duke mos dhënë detaje nëse bëhet fjalë për ndonjë këngë apo koncert në Shqipëri.
