Enxhi Nasufi lindi në rrethin e Dibrës dhe është zhvendsour në Tiranë që në moshë të vogël, ekzaktësisht 1 vjeçe. Kur ishte vetëm 3 vjeçe, Enxhi kishte shumë dëshirë të kërcente dhe të këndonte dhe nisur nga kjo, kur ishte 6 vjeçe, ajo i është futur baletit. Më pas, kur ishte në shkollë, mësuesi i saj i muzikës ngulmoi se ajo ishte shumë e talentuar në këndim dhe kështu ajo ka nisur të regjistrojë në studion e djalit të tij, i cili ishte kompozitor.

Enxhi ka marrë pjesë në festivale të ndryshme për fëmijë, ku ka fituar dy çmimet e para në festivalin më të rëndësishëm për fëmijë, “Festivali i Këngës për Fëmijë në Shkodër”. Kur ishte 11 vjeçe, ajo është angazhuar me “Kripëmjaltëzat”, në këndim dhe aktrim, ku ka fituar dhe çmimin e parë “Ylli Planetit”, realizuar nga Sirea Film dhe Digitalb. Në moshën 15-vjeçare, ishte pjesëmarrëse në “The Voice of Albania” ndërsa tre vite më vonë, pjesëmarrëse në “X Factor Albania”, ku është renditur e 4-ta.

Enxhi është gjithashtu tre herë pjesëmarrëse në “Festivalin e Radio Televizionit Shqiptar”. Enxhin e kemi parë edhe në rolin e moderatores në emisionin “Ora e Tiranës” në ekranin e Top Channel për dy sezone. Në vitin 2022 ajo gjithashtu u angazhua në prezantimin e “Festivalit të 60-të Mbarëkombëtar të Këngës për Fëmijë”. Enxhi ka marrë çmimin e parë në kompeticionin më të madh të kërcimit, “Dancing With The Stars”. Pas kësaj eksperience asaj iu besua moderimi i “Big Brother Fan Club 3”. Nga shtatori 2022 ajo është moderatore e “Wake Up” në Top Albania Radio dhe Top Channel.

Enxhi Nasufi eshte nje vajze shume e talentuar me nje vokal perfekt. Ka marre pjese ne shume festivale kengesh. Ka marre pjese edhe ne emisionin "Fresk Fare" ku ka realizuar kolonen zanore te emmisionit me titull "Marrim fryme shqip". Me pas Enxhi zbuloi talentin ne X Factor. Aty ajo u quajt "uragan i estrades". Mentori i saj ishte Pandi Laco dhe arriti deri nje gjysem finale.

Enxhi Nasufi është një moderatore televizive e njohur për profesionalizmin dhe karizmën e saj në ekran. Si pjesë e emisionit të mëngjesit Wake Up, ajo ka ndërtuar një profil të dalluar në median shqiptare, duke sjellë çdo ditë për publikun një kombinim të informacionit, analizës dhe argëtimit. Po ashtu, ajo është fituese e spektaklit Dancing with the Stars, një arritje që reflekton përkushtimin dhe vendosmërinë e saj për të shkëlqyer në sfidat që merr përsipër.

Përtej karrierës së saj në televizion, dibranja Enxhi është një zë i angazhuar për fuqizimin e grave dhe vajzave. Duke ndarë herë pas here përvoja personale dhe duke trajtuar tema të ndjeshme, ajo ka shërbyer si një model frymëzimi për shumë gra që përballen me sfida profesionale dhe personale. Angazhimi i saj për barazi dhe solidaritet mes grave reflektohet në përpjekjet e saj për të nxitur ndryshime pozitive dhe për të inkurajuar të rinjtë të përmbushin dëshirat dhe misionet e tyre plot vetbesim dhe kurajo.

• {{ evt.section_title }}

  {{ evt.title_feed }}

  {{ evt.subtitle_feed }}

  {{ stb }}

  ---

  📆  {{ evt.fancy_date }}