Paradoks

Sipër një panorame në kornizë
pozon këmbëlehta mizë,
poshtë xhamit të ftohtë
nusëron një aguliçe në kopësht.

Dy botë të ndryshme ndahen midis
edhe pse ndodhen në një mjedis
nga larg vetëm syri i njeriut
planifikon imitimin e ariut.

Aguliçja e kopshtit plot nur
gajaset me pozat e mizës në mur
dora e njeriut zgjatet si shputë
torollakja lë mbi xham trutë.

- poezi nga Fatmir Terziu


Nuk ka akoma asnjë votë