Lindi në Strugë dhe u zhvendos më pas në Kosovë, ku jeton aktualisht. Ka mbaruar studimet për Gjuhë dhe Letërsi Shqipe në Universitetin e Prishtinës. Pjesëmarrjet e saj në Festivalin e RTSH-së në vitet `95 & `96 shndërruan ne hite këngët "Rrugë" dhe "Shi bie në Tiranë". Në vitin `99, në edicionin e parë të Kënga Magjike, ka marrë pjesë me këngën "Duke kërkuar jetën" dhe në vitin 2003 me këngën "Si muzika", ku është vlerësuar me Çmimin e Produksionit.

Ajo është një këngëtare dhe gazetare e mirënjohur shqiptare nga Struga. Fitnete Tuda e kaloi fëmijërinë në Kosovë, ku mbaroi dhe shkollën fillore dhe të mesme. Në moshën 20 vjeçe për arsye objektive së bashku me familjen u kthye në Strugë. Për një kohë të gjatë ka punuar si gazetare dhe njëherit edhe e ka udhëhequr së bashku me të vëllain Televizionin Privat në Strugë "Art Kanal". Gjithashtu për disa vite me radhë ka qenë edhe drejtoreshë e Festivalit mbarëkombëtar të Këngëve dhe Valleve te përpunuara "Kënë Jeho" të Strugës. Këto vitet e fundit ajo është kthyer përsëri të jetojë në Kosovë ku dhe ushtron profesionin e Gazetares pranë Radiotelevizionit të Kosovës në Departamentin e Kulturës.