Grupi “Virusët” ishin pjesmarrës n’gitariadën e vitit 1993 me antarët: Jeton Nuhiu vokal dhe gitare, Reshat Sadriu gitare, Arsim Shehu vokal, Besnik Kyçyku bass gitare dhe Lulzim Shehu n’xhez (tupana). Grupi vazhdoi me angazhime muzikore n’Kaçanik ku Jeton Nuhiu merr pjesë edhe n’gitariadën e vitit 1995 por me antarë tjerë. Kah fundi i vitit 1996, rock skenës kosovare i shtohet edhe albumi “Po kthehem” prej grupit “Mjellma” që ishte realizu n’studion e producentit të njoftun Xhevdet Gashi. Antarë ishin Jeton Nuhiu vokal, Skender Axhami dhe Lulzim Shehu gitare, si dhe kangtarja Kefsere Brruti e cila kishte incizu në duet kangën “Oj zogo” në verzionin rock.
Ky grup vazhdon me albumin e dytë “Krah për krah me UÇK-në”n’studion Eroll 5 n’Shkup ku janë t’incizume tetë kangë. Mbas luftës, në vitin 2000 Jeton Nuhiu publikon albumin e tretë “Dëshmores” me tetë kangë të incizume, n’studion Heliks n’Prizren. N’vitin 2003 grupi Mjellma realizon kangën “Gëzuar maturantë” në duet me kangtaren kaçanikase Shqipe Krivanjeva të incizum në studion e Nazmi Tushës si dhe xhirojnë videon e kësaj kange. Ky grup realizon edhe albumin e katërt n’vitin 2005 ku e promovon me ni koncert n’rrugën kryesore të qytetit ku pati pjesmarrje masive të qytetarve të Kaçanikut.
Edhe ky grup kishte aktivitete të shumta muzikore n’Kaçanik dhe n’qytete tjera të Kosovës. Jeton Nuhiu ka bashkëpunu me shumë muzikantë kaçanikas, ferizajas dhe tjerë gjatë rrugëtimit artistik.

---

• ✦ {{ evt.section_title }}

  {{ evt.subtitle_feed }}

  {{ evt.title_feed }}

  ✦ {{ stb }}

  ---

  📆  {{ evt.fancy_date }}