Horgito Hoxha ka lindur më 13 maj 2004 në Miras, Devoll. Studimet e mesme i ka përfunduar në drejtimin Hoteleri–Turizëm, ndërsa aktualisht është student në Regji Filmi dhe Televizioni pranë Universitetit të Arteve, Tiranë.
Krijimtaria e tij përfshin fushën e letërsisë dhe filmit, ku ndërthur ndjeshmërinë poetike me kërkimin estetik vizual. Është autor i dy librave: “Zhurmë Ëndrrash” dhe “Zemër dalë mendsh”, të cilët reflektojnë një vështrim introspektiv mbi njeriun, ëndrrën dhe realitetin bashkëkohor. Ka realizuar etyde filmike dhe tre dokumentarë.